 موضوع عجبنى ليوميات أمرأة
المشهد الأول : و تخليص بعض الأوراق من مصلحة حكومية
السجل المدنى : وما أدراكم ما السجل المدنى تذهب إليه فى الصباح البااااااااااااااااااكر لتجد الطوابير وكأنهم قد باتو على الباب وفى الداخل إنشرح صدرى كل الموظفات محجبات قلت لنفسى لو أن حكومة إسلامية فرضت على الناس الحجاب لهاجو وماجو ولكن الناس قد إرتضوه لأنفسهم هكذا يجب أن يكون الإصلاح من تحت لفوق وليس من فوق لتحت إضطرنى الأمر للبقاء بالداخل قليلا العباءات والخمار ياسلاااااااام ناس ملتزمة بصحيح الأستاذة محاسن بتفطر طبيعى مافيش مشكلة لازم تفطريدخل زميل:-ياصباح الفول والطعمية-ترن ضحكة لا تتناسب ابدا مع الخمار-انت هتبصلى فى اللقمة ياراجل طب والنعمة ده أول سندوتش-مش قولتى بتعملى ريجيم-إسكوت قطع الريجيم وسنينه-يدخلان فى حوار عن الآثار الجانبية للرجيم حوار للكبار فقط -- أنا - يامدام الملف - آه إنتى لسة هنا هأقوم اشوفهولك-وسع ياراجل خلينى أعدى-مش موسع عدى-باقولك وسع أنا متوضية ترد أخرى مختمرة كانت جالسة تقرأ فى المصحف-إنتى عاداه راجل زى باقى الرجالة عدى ده زى أختك (ضحكة أخرى مجلجلة)ويمر الموقف بعد أن سمعت ماشنف آذانى ولا أستطيع أن احكيه لكم أنهيت معاملتى وأنا فى قمة الإزبهلال من التناقضات وال………….عجائب
المشهد التانى : وأستراحة فى النادى : نميمة على الطراز الإسلامى فى النادى الحمد لله الرواد قليلون إخترت طاولة قريبة من سيدتين فى منتصف العمر بيديهما مصاحف بيسمعوا لبعض قرآن ماشاء الله كان من النادر أن أجد محجبة واحدة فى النادى وكنت عجبة أثناء التسميع جاء طفل إحداهما يبكى-مامى الولد اللى هناك حدف عليا رمل-فين الولد ده فين مامته يشير الى سيدة جالسة بعيدا" ذهبت الأم وحلت المشكلة بيسر وعادت-إنتى عارفة مين دى اللى معاه؟-مامته-هو قالك انها مامته-لا -دى جدته-ياشيخة حرام عليكى جدته ايه-انتى برضو ماعرفتيهاش دى نرمين محمود-نرمين محمود مين بتاعت مجلس الادارة دى تيجى فوق الستين-آه ماهى فعلا كده بس عملت عملية شد لرابع مرة خدى بالك كده من ايديها-آه صحيح ياخبر ابيض أهى دى بقى العجوز المتصابية-لا وايه متجوزة ولد قد ولادها-حفيدها ده من جوزها الاولانى اتجوزت بعده 6 مرات-باقولك ايه دع الخلق للخالق كملى تسميع-انتى بتحفظى مع مين-مع هدى-انا قلت كده برضو تجويدك مش قد كده هدى دى مش متمكنة خالص-لا دى لذيذة والله وبنت حلال-ايوة لكن تجويدها مش حلو اصل اليومين دول بقت استرزاق كل اللى مالوش شغلة يشتغل محفظ يكملوا تسميع تدخل سيدة فى الخمسينات وتلقى عليهما التحية وتجلس بعيدا بعد قليل جاء فتى رياضى جدا فى العشرينات وجلس معها-ماشاء الله ابنها يشرح-ميمى-آه اسمه محمد باين-انتى ماتعرفيش؟-ماعرفش إيه تهمس فى اذنها بكلمات يحمر لها وجهها-ياشيخة إزاى-الدنيا كلها عارفة دى كانت فضيحة إنتى كنتى مسافرة ايامها مسكوه فى المدرسة مع ولد تانى وكانت فضايح وبعدين مامته خدته لدكتور نفسانى عشان يتعالج وكان مرتاح جدا معاه وبعد سنتين اكتشفت ان الدكتور هو كمان مش طبيعى وزود الحالة عنده والولد بقى مقتنع ان هو اللى طبيعى والناس كلها غلط وبقى علنى كده يتكلم فى الحاجات دى وكان عاوز يعمل كمان جروب للى زيه-أعوذ بالله-آه زى مابقوللك كده وسافر أمريكا اتنيل أكتر-والله ولا باين عليه-انتى بس اللى على نياتك كملى تسميع هم يكملو تسميع وأنا أكمل سماع للنميمة على الطريقة الإسلامية فى بلاد ال………..عجائب
المشهد الثالث : وعند الخياطة : فتاة محجبة ووالدتها جالسات للبحث فى مجلات الأزياء عن موديل فستان زفاف لمحجبةإختارت فستان عريان جداالخياطة قالت مافيش مشكلة اختارى الموديل اللى يعجبك وكل حاجة لها تصريفة وكانت التصريفة كالتالى بودى لون اللحم تلبسه المحجبة وفوقه الفستان العريان يبدو للناظر إليها أن لحمها كله بره بينما هى مستوووووووورة بالبودى اللى لون اللحم بنضحك على مين وليه ؟ مازلت مزبهلة فى بلاد العجائب ..والمشاهد دية بتكرر كتير بحياتنا ياريت نحترم ما نفعل ..أحمد سرور... شكرا" لصاحبة المشاهد |
