لا أعلم لماذا هذا الهجوم على سفر الوزراء لتمضية أوقات لطيفة على شواطئ الساحل الشمالى سواء مارينا أو أبو تلات ولا سيدى كرير هل ليس من حق السادة الوزراء تمضية أوقات الصيف فى ربوع الساحل الشمالى وإذا لم يذهب صفوة المجتمع لتقضية عطلة الصيف فى الأماكن التى تم أنشائها من أجلهم من الذى يذهب هل يرضى كل من يتهجم على السادة الوزراء أن يذهب مصيفى جمصة ورأس البر من عامة الشعب المصرى إلى هذه الأماكن أم هل يرضى كل من ينتقد أن يذهب أصحاب الجراكن الذين لم يروا فى عمرهم البحر على الطبيعة أن يذهبوا إلى مارينا ويروا ما يحدث فيها وهل فى حالة ذهاب هؤلاء سيستطيع أحد أن يعود بهم إلى قراهم ... هل من يطلب بعدم ذهاب صفوة المجتمع للمصيف والحصول على أجازة لمدة شهر مراعاة" لشعور من لم يجدوا قطرة الماء هل يتحمل المطالبين بهذا نتيجة طلبهم مما سيحدث للسادة من عناء الحر وعدم روئية البحر هذا العام والنتائج التى ستترتب على هذا الأمر من حدوث حالة من الأكتئاب التى قد تصيب بعض الصفوة مما سيؤدى إلى قرارات ستأتى بالسلب على المحرومين من قطرة الماء ... يا حاسيدين الناس ملكم ومال الناس خليكم أنتم فى بلدكم وأتركوا لهم بلدهم فشتان بين بلدكم وبلدهم أنتم بتوع الأتوبيس والـيــع واللإف أنتم بتوع الجراكن والأعتصامات وسندوتشات الفول ... أنتم مين وهم مين دول ناس تانين بتاكل أكل صحى وبتشرب مياه معدنية ميستحملوش يوم فى الحر أعصبهم تتعب متعودوش على كدة هم بيلبسوا شيك وبيحطوا برفان وطبعا" الحر شديد مينفعش معاه غير البلبطة فى البحر ومش أى بحر دية شواطئ مخصوصة أنتم تعرفوا كلمة مخصوص غير فى الكشرى البتكلوا حاجة غريبة أية يعنى الميا مقطوعة كام يوم ولا كام شهر عادى خلاص هتموتوا من غير ميا هو أنتوا بتموتوا أبدا ولا محوق فيكم حاجة أكل بالمبيدات مياه ملوثة هواء ملئ بالرصاص كل ده وممتوش بكرة ولا بعدوا هتيجى الميا بس الصيف مش هيجى مرتين وبعدين لو حرانين أنزلوا الترعة وأشربوا اليومين دول ميا معدنية عادى هو كل حاجة تصعبوها كدة علشان تنغصوا على الناس عيشيتها وتقولولهم خليكم جنبنا متصيفوش السنة دية وبعدين ما هم كانوا جنبكم والميا قطعت بردوا هو الناس مغسلين وضمنين جنة وبعدين مفيش ميا أشربوا بيبسى وكلوا جاتوة كلوا كل التحبوة بس متحشوروش نفسكم فى الملكوش فيه . بقلم أحمد سرور |
