البيان المصرى: أتـــــكـــلم يا أبــــــن الــــشــــعـــب

تفتكر نقل الوزارات خارج العاصمة ممكن ؟ أكيد ممكن . طيب لية الموضوع عبارة عن كلام ومحدش راضى ينقل حاجة ؟ أصل محدش قادر يشيل . طيب أحنا ممكن نشيل أنتم مين أنتم ؟ أحنا المواطنين المطحونين فى زحمة القاهرة . طيب وأية الحشركم بالموضوع ؟ ما أنا بقول لحضرتك أحنا أصحاب المشكلة . !!!! نعم نعم أنتم مين أصحاب أية ناقص تقولى دية بلدنا وأحنا وحقوقننا وأبصر وما أدرك ولما أنتم مــتــطحنوش فى الزحمة وتقفوا فى الأشارات بالساعات وأحنا بنعدى بمواكبنا نعمل أحنا أية نستورد شعب تانى نعمل فية كدة والله سكتنالوا دخل بحمارة قال البيت بيت أبونا والغرب يطردونا ناقص تقولى ديمقراطية وشفافية دة الشعب كبر أهو وطلعلوا سنان ناقص تقولى متيجى أعزمك على الميكروباص يا ريت يا فندم علشان تعرف أنا بعانى أزاى مش بقولك منها لله القنوات الفضائية العلمتكم تقولوا رأيكم قال شعب قال نقصنكم أحنا ... ده حوار فى البتنجان عارفين طلع لية لما شوفت أن فيه شركة أشترت أرض ميدان التحرير وعايزة تعمل فندق ضخم فى الوقت الكانت الحكومة عايزة تنقل المجمع علشان الأختناق المرورى بالزمة مش المجمع أرحم من وجود فندق فى المكان دة فى مكان فى الدنيا فيه مجموعة الفنادق الكبرى دية فى نفس المحيط وفى أزحم مكان فى العاصمة مش كفاية علينا الفندق الطلع وكان هيتردملوا النيل لولا ستر ربنا . يعنى مش ديه حاجة تستدعى وتساعد على أستدعاء البتنجان وخروجة من الأمم طيب نقول يا مين ومين ينقذنى منك طبعا" كالعادة العملية كلها بزنيس ومصالح تخيل ظهور فندق على أعلى مستوى فى هذا المكان يحتوى مثلا على حد أدنى بتنجانى بردوا 500 غرفة بمنافعها ببركنتها بزورها برسبشينها بسهرتها وحفلتها بأمنها وما بالك بأمنها دة لوحدوا عايز منطقة علشان تستوعب الحشود الأمنية الهتعسكر أمامة . مرة نبنى جراج ونهدوا قال أية كان بيشوة الميدان فينك يا بتــنـجان هو الكيلوا منك بقى بكام ودلوقتى عايزين نبنى فندق فى الميدان الحقـــونا . بقلم أحمد سرور