مشربتش من نيلها ؟ شربت وهو كمان شرب طيب لية أنت كدة وهو كدة ... لية أنت عشقتها وحبتها وهو لأ ... لية أنت مهنش عليك تبعها وهو هان علية ... أنت متأكد ان هو شرب ... متأكد أن هو لبس مريلة وشال شنطة وراح المدرسة وأكل فول على بابها متأكد أن هو عمل كدة ... لو أنت متأكد أومال أية ... أشمعنى أنت حارق نفسك على كل شبر فيها وهو لأ ليه ... شكلوا كدة معملش زيك ومشى فى حواريها ولا راح الأحياء الراقية فيها ... أصل أسمع بس لو كان راح مكنش باع .... لو كان نزل وسط البلد وأتمشى فيها وشاف يفطة عمر أفندى وهى منورة فيها مكنش هان علية يتنازل عنها ويبيعها بالفيها ... أنت متأكد أنه ركب سلم الكهربا وطلع ونزل علية فى عمر أفندى وجاب غيرات و جلبية وبجامة أكيد لا .... أكيد هو جاب الحاجات دية من بره أصل لو كان جبها من هنا كان طمر فية ... أنت متأكد أن فى رمضان زين شوارعها وراح صلى فى جوامعها متأكد أنه صلى فى السيدة نفيسة وزار السيدة زينب متأكد أنه نزل الحسين وأتسحر وصلى الفجر هناك ... متأكد أنه لبس هدوم العيد وفرح وراح أكل كشرى بيها ... متأكد أنه لما كبر دخل الجامعه فيها ... مش معقول مستحيل يكون عمل كدة وبيعمل كدة فيها ... من الأخر أقدر أقولك أكيد هى هانت علية لأنه معملش أى حاجة من ديه فيها . بقلم أحمد سرور |
