 كل واحد يمسك البصلة ويبوسها ويشمها كويس ويقلها سمحينى مكنتش أعرف أن هيجى يوم ويبقى الوصول ليكى أمنيه مكنتش أعرف أنك كنت بتبكينى لأنك كنت عارفة أن هيجى يوم مقدرش على تمنك علشان كدة أنا ندمان على الأيام الكنت بدشك فيها بأيدى الأيام الكنت بتجرأ عليك فيها يا بصل وأقول عليك فحل . الأيام الكان أسهل حاجة على الفقير فيها أنه ياكل حتة جبنة ويدشلوا فحل بصل يا ترى الأن تمن الجبنة بكام وكيلوا البصل بكام ياترى لسة الفقير هيقول على البصل فحل ولا هيغير أسمة لأن أسم فحل لم يعد يليق بالسيد بصل وياترى لو واحد أغم علية هنقدر نشوفلوا بصلة نفوقوا بيها ولا نديلوا جوز أقلام على وشوا أرخص ولو طول نجبلوا الظابط يحطلوا مع جوز الأقلام شلوتين على كام بونية على كام شتمة من القلبك يحبهم وهو يفوق علطول ويترحم على أيام الأغماء القديمة الكانت بتنتهى بشمة بصل ومكنش الناس عجبها ريحتوا وكانوا بيحسدوا الأغنياء لأن البيغم علية منهم بيفوق على ريحة البرفان أهو البصل طار من بين أيديكم ياترى الدور على أية تانى على العموم كل واحد يشوف فاضل أية ممكن يتاكل بأسعار يقدر عليها ويجبها ويفضل يبوس على دمغها ويشمشم فيها ويودعها وأذا كان هناك أسم على شاكلة فحل مفيش داعى دلعوها قبل ما الحكومة تاخد بالها وتخش عليها وتحرمنا منها بعد ما حرمتنا من البصل أسف السيد بصل وأكيد أذا سألنا أى مسؤل من الحكومة هى الناس فى مصر تقدر تاكل أية أكيد هيقولك يكلوا حلاوة يكلوا جاتوة يكلوا كل اليحبوا..بقلم أحمد سرور . و |
