|
| عــــــرض الصيـــــف |
| Sunday, July 13, 2008 |
 تعرف يعنى أية ملل يعنى أية تعب يعنى أية تحس أن مفيش حل تعرف يعنى أية تجيبها كدة تجيلها كدة هى كدة وشكلها هتفضل كدة لو تعرف كلدة يبقى أنت أكيد فى مصر ... عرض صيف 2008 للسياحة - الأعلان بيقولك أية مدحت وشلبى عملوا سفارى بأقصى سرعة وممدوح وهيثم قضوا الليل سهرنين فى الديسكو وأنت يا مجدى فين لغاية دلوقتى ... نورت مصر ... على فكرة الأنا بقولوا ده مش هزيان ولا أنا سخن ولا حاجة ده أعلان هذا العام الخاص بدعوة السائحين لزيارة مصر حاجة جميلة جدا أنك تشوف أماكن فى بلدك من خلال أعلان وكأنك مش من البلدي والأجمل أحساسك وأنت بتشوفها ويقينك انها مش علشانك دية علشان مدحت وشلبى الهيجوا من خارج الدولة وأن كل دورك أنك تبتسملهم وكل متيجى عينك فى عين واحد منهم تقولوا نورت مصر وإلا تبقى من أعداء الوطن . مش عيب طبعا أننا نحسن معاملة السائحيين ده شئ ضرورى لكن العيب اننا ميكنش لينا حق فى بلدنا وتكون فيه أماكن صعب علينا جدا دخولها والتمتع بها على الرغم من أنها موجودة على أرض الوطن لدرجة اننا أصبحنا نشعر بأننا أغراب وكأن المواطن المصرى موجود داخل هذا الوطن من أجل خدمته فقط متى يحن قلب الوطن متى يشعر بأن هذا المواطن من حقة أن يكون سائح أيضا ولو داخل بلدة لماذا لا توجد غيرة عند من صنع الأعلان وحاول جذب كل من يرى الأعلان من خارج مصر للمجيأ إلى مصر ولم يضع فى حسابة أن المواطن المصرى يجب أن يجد مكان يسعد فية ولو فى شهور غير شهور السياحة أنا أعلم أن هناك مصريين يذهبون إلى أفخم و احسن الأماكن فى العالم لكنى أتكلم عن الغالبية التى لا تعرف غير البحث عن طبور أقل أزدحام لتقف فية لتحصل على رغيف عيش متى سيدخل هؤلاء فى حسابات من صنع الاعلان ... أحمد سرور |
posted by البيان المصرى @ 8:34 AM  |
|
|
|
|
|
