بصراحة الواحد مش عارف لو مفيش الفساد والحوادث والأمراض والأوبأة الأنتشرت فى مصر كان الأعلام فى العالم هيشتغل على أية بجد كتر خير الحكومة المصرية مشغله وسائل الأعلام فى العالم وشوف كام واحد بيشتغل فى وسائل الأعلام على مستوى العالم يعنى شوف الحكومة فتحة كام بيت من ورا طحن الشعب المصرى والكوارث النزله علية بس فاضل حاجة واحدة أنها لازم تعمل شعار تحط تحتية كل الأنجازات دية وأنا بقترح أننا نغير أغنية المصريين أهم ونخليها المفضوحين أهم علشان دية أنسب حاجة لوضعنا فى وسائل الأعلام خد عندك بعون الله أحنا متصدرين أخبار الحوادث بجدارة تخصص قطارات وعبارات وحصلنا على أعلى نسبة حوادث بأقل فاصل زمنى بين كل حادثة وأختها وفقا" لأحدث التقنيات وعن طريق الفيمتو ثانية . ودة طبعا" غير أننا أول مدخلنا مجال أنفلونزا الطيور أتصدرنا مجموعتنا وحصلنا على المركز الأول واستطعنا بعد مجهود جبار أننا نكون موطن للوباء وبعديها دخلنا على النيل ولوثناه ودة طبعا" فتحلنا مجال جديد لتصدير الأخبار والفضايح لأننا رجعنا وباء الكوليرا ورجعنا 100 سنة لورا وبكدة يبقى حتى النيل مسلمش وطبعا" دة بخلاف أخبار الفساد البتنزل ترف على الأعلام والمن الصعب تلاقى ليها مثيل بأى دولة حتى ولو كانت دولة زميلة من دول العالم النايم وبصراحة دة مجهود كبير لحكومتنا لأنها عمللنا حس فى العالم وأهو الناس بتقرا عن مصر وتعرف أننا لسه موجودين على الخريطة ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!! أحمد سرور |
